:": أنا مخاوي الح ـــزن دونك :":

قصيده اعجبتني

اهداء لمن ملك قلبي وتركني

جلست بساعة المشرق على شط البح ــر سهران ,,
أقلّب دفتر الماضي على صفح ــات وجدانك ,,

تهيّج بالشعر فكري وترجم للغرام ألح ــان ,,
قصيدة قلت أبنثرها وأبكتبها على شانك ,,

أنا يابحر ماجيتك أبروي بك ظمى عطشان ,,
ولا جيت آخذ اللؤلؤ أو أرجي منك مرجانك ,,

أنا جيت أنثر همومٍ ملاها الح ــزن والح ــرمان ,,
وأزوْد همومك بهمي وأضمّ الح ــزن لأح ــزانك ,,

أنا جيت أرمي أوراق الح ــزن في عالم النسيان ,,
أنا جيت أدفن القلب اليتيم بغربة أوطانك ,,

أنا جيت أذرف دموعٍ بكتها عيني بكتمان ,,
أكفكفها وتعصاني .. ياشين الدمع لاخانك ,,

دخيلك يابح ــر تكفى .. دخيل اللؤلؤ والمرجان ,,
دخيل الموجة الزرقاء .. وياقوتك وح ــيتانك ,,

دخيل الشمس إذا شعشع سناها وأقفت بح ــسبان ,,
دخيل المركب اللي يرتجف من ذل طغيانك ,,

دخيلك يابح ــر قله .. أنا لك عاشق وولهان ,,
أنا (( مخاوي الح ــزن دونك )) بعد فرقاك وهجرانك ,,

أنا من غبت مثل الورد يموت من الظمى ذبلان ,,
يموت ولا يبي إلا يعيش بوسط بستانك ,,

أنا كني سفينة واجهت في بح ــرك الطوفان ,,
أنا كني غريقٍ في وسط قلبك وشريانك ,,

سهرت الليل بغيابك على كف الألم تعبان ,,
أحسب إني رويتك وأثرني مازلت عطشانك ,,

تعبت .. ومالقيت إلا الشقى في واح ــة الخذلان ,,
شقيت .. ومالقيت إلا التعب في بح ــر نسيانك ,
,
أنا ما أنسى غرامك لو يكون اللي يكون .. إن كان ,,
ولا أنسى كنت أنا في يوم كل الناس فاعيانك ,,

ولا أنسى ح ــبك الوافي من سنينٍ مضت وأزمان ,,
ولا أنسى دمعة افراقك .. ولاانسى لمّة أح ــضانك ,,

أنا وشلون أبنسى ضح ــكتك والموعد الخجلان ,,
عسى تنساني الدنيا إذا ح ــاولت نسيانك ,,

صح ــيح إنسان بوجودك .. ومن دونك أنا إنسان ,,
لأني ما خضعت إلا لمن هو عزّ من شانك ,,

عطاني ح ــبك الصافي .. وح ــط بقلبي البرهان ,,
ومكّن بالح ــشا إسمك .. ورسمت القلب بألوانك ,,

أبي ترح ــم عزيز القوم لاينذل أو ينهان ,,
وأبي تذكر فؤادٍ مالدربه غير عنوانك ,,

وأبيك تشمني لا من ذكرت المسك والريحان ,,
وأبيك تلمني لا من نثرت الدمع بأوجانك ,,

وأبي ترسمني بصورة تبروزها على الجدران ,,
على جدار الوفا ما بين صدرك وبين ح ــجّانك ,,

أنا وشلون أغني وأعزف البسمة على الألح ــان ,,
وأنا وشلون أح ــلّق في سماك بدون جنح ــانك ,,

وأنا اللي من رح ــلتي كل هالعالم .. بلا عنوان ,,
وأنا أدري يابعد عمري ماهو بأمرك وبامكانك ,,

يقولون العرب .. وش ح ــالتك يامخاوي الأحزان ,,
ترى منت الوحيد اللي غدرك الوقت أو خانك ,,

ترى الدنيا صغيرة وأنت خابر مالها أمان ,,
تبسم وارسم البسمة على ربعك وخلاّنك ,,

وأقول اللي سمع ماهو مثل من شاف بالأعيان ,,
تشوف الموت ولا تقدر تح ــرك كلمة بلسانك ,,

ذبح ــني الود .. وطول البعد .. ذبحني مفارق الخلاّن ,,
ولكن ح ــكمة المعبود رب الكون سبحانك ,,

أبرجي ربي المولى عظيم الشان والإح ــسان ,,
يكفّر ماجرى مني .. ألا يارب غفــرانك ,,

م ن ق و ل

وكل الشكر لمن احب

دخيلك يابح ــر قله .. أنا لك عاشق وولهان ,,
أنا (( مخاوي الح ــزن دونك )) بعد فرقاك وهجرانك ,,

كلمات روووووعه

لاهنت على النقل

موفقه

ألف شكر لك على المرور الرائع

دمتي بود

روووووووعه مانقلته يداك

الف شكر لك

دمتي بخير

مرورك الأروع يالغلا

دمت بكل الود

يعطيك العافيه

عـ الموضوع الرئع

ومشكوووووره

اخووك بعدي

الله يعافيك

ولاهنت عالتواجد