العذريعنـي كـذا يـاأم الوفـا والمحبـة
كـذا المحبـة والوفـاء ياوفـيـه
أغيـب عنـك أيـام ولا أتنبّـه
إلا وانا أشوفـك زعلتـي عليـه
وش زعلك ؟ وش هز قلبك وشبه ؟
يعني عشاني غبت صارت قضيه !
ياام القوام اللي مـن أدنـاه هبـه
يميـل كـن الخيـزران أدمـيـه
وأم الجديل اللي من يخـاف ربـه
يذكـر عليـه الله ويذكـر نبيـه
إن كنت مخطـي فالخطـا مايجبـه
إلا العذر وانا اعتـرف بالخطيـه
وهذي بعد من فوق الأعـذار حبـه
لاتزعليـن الله يخلـيـك لـيـه
دفتر اوجاعياكتب واسلّـي خاطـري بـ(الكتابـه)
كود التهي في نظم الابيـات وانسـاه
واثر القصايـد منـه قامـت تشابـه
من وين اقلّب دفتـر اوجاعـي القـاه
هـذي قصيـده قلتهـا فـي عتابـه
وهـذي قصيـده قلتهـا يـوم فرقـاه
وذيك القصيـده قالهـا مـن عذابـه
يكتب قصيدٍ منكسـر بـس مااحـلاه
ويقول: (( جابه كان تقـدر تجابـه))
واقول شعرك لعن ابـو مـن تحـداه
ويروح يضحك ما اقتنع في الاجابـه
ويقول: (( شعرك زين بطّل محاباه))
واقول: ((طبعا زيـن لأنـك زهابـه
لاصرت روح البيت وش لون تبغاه))؟
واليـوم ذاك الوقـت جمّـع شبـابـه
واقفي ولاادري صاحبـي ويـن وداه؟
رضيـت مــدري ذل ولا مهـابـه
ابعـد واهـلّ الدمـع لأيـام ذكـراه
الشعـر والليـل وبيـاض السحابـه
والضحك والحـظ الـردي والمعانـاه
كلّـش يذكرنـي بـوقـتٍ غـدابـه
ياوين أبرمي هالجسـد فيـه وانسـاه
وحده بوحدهياغايبـه وان كــان فيـهـا جمـالـه
تجمّـلـي يــاام الـحـلا والظفـايـر
بالله شوفـي صاحبـك كـيـف حـالـه
شوفيه فـي غيبتـك وشلـون صايـر ؟!
صارت حياته ضيـق خلـق .. و بطالـه
هم .. وسهر .. واوراق شعر .. وزقاير !!
يعنـي حبيبـك صـار حالتـه حـالـه
مابـاقـي الا انــه يــدّن العبـايـر
الله لامـنّــه ذكـــر مامـضـالـه
قـبـل الـدوايـر ماتـجـر الـدوايـر
يـوم الطفـولـه والشـقـا والجهـالـه
يـوم الصغايـر فـي عيونـه كبـايـر
ايــام كــان معـانـده راس مـالـه
ويسـوق لهـبـال الشـقـاوه بشـايـر
يامـا امتلـى بالحـب والطيـش بـالـه
ويامـا امتلـت مـن شخبطتـه العوايـر
يكتـب عليهـا : ( عااااشقـك للثمالـه )
ويخـطّ توقيعـه : ( جريـح الضمايـر )
يامـا اشتكـاه ابـوك فـي بيـت خالـه
ويامـا تحصّـل مـن هـواك العزايـر
مـره حلـف بـأنـه يبّـطـل هبـالـه
وقبـل يكمّـل .. فـك اخـوه الستـايـر
ثـم طالـع الشبـاك.. ليـنـك قبـالـه
وفي اقل من لمح البصـر جـاك طايـر
علـى صغـر سنـه ممّـيـل عقـالـه
كااااشـخ وناسـي لايصـك الـزرايـر
لاشـافـك يتمـتـم لحـالـه بـحـالـه
لعيـون هالشوفـه تـهـون الخسـايـر
ولاشـاف زول ابـوك حـذّف نعـالـه
الحـب جايـر .. لكـن العـود جـايـر
طفـلٍ يتيـم ورغـم الأحــزان دالــه
مايـدري ان حظـه مـع الوقـت بايـر
كنتي طموحـه .. كنتـي أغلـى حلالـه
كنتـي وصرتـي بـس يـاام الظفـايـر
طفلٍ زرع مـن ضحكتـك فـي خيالـه
ليـن اثمـرت شعـرٍ هزالـه حـرايـر
لاتتركيـنـه فــي غيـابـك لحـالـه
بالله شوفـي كيـف هالطـفـل صـايـر
ووحـده بوحـده كـان عنـدك عـدالـه
اتبّطلـي غيبـه .. و ابـطّـل زقـايـر
الطفل والمحارمكــــان في وسط المدينه...
طفلٍ أكبر من سنــــينه..
والده مات بحنــــانه..
ولاقعد يندب زمانه...
صادق هموم الشوارع ..
يمسح الدمـــع ويصارع ..
طفل لكن كان بارع ..
مات ابوه وجا مكانه ...
يمسح أطراف القوايل عن جبينه ..
يبعد الشمس ويطاردها بيدينه..
طفل أحزانه معالم..
طيب وسمح ومسالم..
يمشي ويطوح بصوته ..
يبغى قـــوت أمه وقوته ..
المحارم....المحارم....المحارم ..
المحارم....المحارم....المحارم ..
ولا أقبل الليل ..ورحل وجه النهار ..
راح لامه مثل الأطفال الصغار ..
وأرتمى في ...حظنها ..
أرتمى في....جفنها ..
أرتمى في....حزنها..
وقامت امه تبكي لضيعة سنينه ..
وصـــــاح...يمه
ليه يــاعمري حزينه؟ ..
دمعتك يالغاليه والله ثمينه ..
تحسبين أني حزين؟ ..
لا..وراسك ما ألين ..
من لقى هذا الحنين ..
ينسى حزنه..
ينسى همه...
ينسى حتى العمر كله..
دامــــك أنتي تحترينه..
وفي صباح من صباحات الضياع ..
الحزن قدر يقول له الوداع ..
نـــــــــادت أمه...ماسمع ..
صـــــاحت أمه...مانفع ..
طـــــاحت أمه...مارجع ..
الصغير اللي ملى الدنيا صراع...
مـــــــات ....من كثر الوجع
الموانيحبيبـي دام انـا أصـلاً حبيبـك وانــت والفـنـي
اجل وشفيك تزعل يوم افضفـض وانفـض ايامـي؟
انا لولاك.. قلت : "ان الزمن بـاموت مـا انصفنـي"
وانا لولا الزمن مـا كنـت اهوجـس وانـت قدامـي
هي الدنيا كـذا .. لا جيـت ارتّـب للكـرى جفنـي
تكاثر غفوتـي حتـى تصيـر ابعـد مـن احلامـي
هي الدنيا كذا .. و ان كـان مـا صدّقتنـي .. شفنـي
شف عيوني .. وشف وش لون جلدي يستـر عظامـي
شف..أو.. لا.. لا تشوف.. ان كان ودّك صدق تعرفني
تتبّـع سيرتـي .. او سكتّـي .. او جـرّة اقـدامـي
تتّبعـنـي واذا مـرّيـت دمـعـي لا تضاعـفـنـي
تعـدّ بخطوتيـن وشـف طموحـي كيـف مترامـي
هنا طحـت.. وهنـا حظـي عثر..وهنـاك وقفّنـي
وهنـا مـاردّوا اللـي كنـت اناديـهـم بالآسـامـي
تهجّـى فالموانـي ليـن تـقـرا سالـفـة سفـنـي
تتبّعنـي مـن اول جـرح واتـرك عنـك هندامـي
وانا اقول : "ان تشوف اللـي يحـدّك مـا تحلّفنـي..
.. وش اللي حدّني ابقى علـى جـال النهـر ظامـي"
امانـه بـس لا تـزعـل عـلـيّ .. ولا تخالفـنـي
لو ابكيتك مـن همومـي .. او ابكيتـك مـن هيامـي
انـا لولاك..قلـت: "الوقـت هـذا مـا يشرّفـنـي"
ولولا الوقت قلت اني خذيـت اكبـر مـن احلامـي !
هدية عيد ميلادكحبيبي جيت اقدّم لـك هديـة عيـد ميـلادك
وانا متأكد اني لـو نسيتـك مانقـص قـدري
ولكن قلـت ادوّر أي شـيّ يناسـب ّعيـادك
تصفحّت الهدايا لين ضاق بشوفهـا صـدري
أبي شـي ٍ يجمّلنـي معـك لا فـاح رينـادك
مابي شي ٍ أمدّه والخجل من فوقـي وحـدري
وقلت آشوف بعض الناس قبل يحـل ميعـادك
وش اللي من هداياهم يليـق بوجهـك البـدري
بعضهم جاب ورد .. وشفت كل الورد مافادك
وانا اصلا أعتبر من جاب ذاك الورد مايدري !
لأن الورد لو مـازاد بيـن إيديـك مـازادك
تركت الورد ذبلان .. وذكرت اللي سروا بدري
هديتهم قفص وطيور .. قلت فـعيـد ميـلادك
اسوّي مثلهم واهديك طير ٍ في قفص صـدري
نديم الجرحيانديم الجـرح واللـي وصتّـك بأرقامهـا
عارف انّك ما تعرف الا شـذى يشمومهـا
لا تعلمني عن آخـر مـا حصـل فأيامهـا
من رسالتها عرفـت اليـوم كـل علومهـا
أدري إن الوقت شمّر عـن يديـه وضامهـا
وأدري إن الحظ الأقشر صار مثل هدومهـا
وأدري إن الهم وقّف في طريـق أحلامهـا
لين صار الحزن أثرها .. والشقى مقسومهـا
بس تستاهل .. هي اللي طاوعت من لامهـا
وباعت اللي كل ذنبه .. مادخل في سومهـا
خلهـا تدفـع ثمـن غلطاتهـا مـا دامهـا
همّّلت قلبي .. وراحت .. وأسرفت في حومها
يبتعد مع كل خطوه .. صوت وقع أقدامهـا
وتقرب الضيقه .. وتصحى دمعتي من نومها
لين غابت عن عيوني .. وأنجلـى هندامهـا
ليلةٍ .. تغفى على صـدر الظـلام نجومهـا
كنت احس بشيّ .. والله ماتشيـل عظامهـا
لو تحس بشييّ منه .. يمر وسـط حلومهـا
كنت احس إن الضلوع العوج مثـل أيتامهـا
وأشعر إن القلب نبضه منتهي مـن يومهـا
والحياه اللـي تـدور شهورهـا وأعوامهـا
وقّفت .. واليـوم دور رماحهـا وسهومهـا
ياكثر ما اغرقت نفسي في بحـور اوهامهـا
وياكثر ماضعت بيـن أوهامهـا وهمومهـا
ما جـداي إلا احلـم انـي واقـفٍ قدامهـا
وأتخيلهـا تعاتبـنـي .. وأروح ألومـهـا
يانديم الجرح .. خلّـك مـن علـوم أيامهـا
مابقى في القلـب رغبـه يلتفـت لعلومهـا
والرسالـه ردّهـا للـي زمنهـا ضامـهـا
وقلها كلمـه .. وتفهمهـا حسـب مفهومهـا
والله أن أقص كفـي قبـل .. أدق ارقامهـا
والله أن اشيل قلبي .. قبـل أشيـل همومهـا
أعز انسان صوّت حبيبي وقبـل أقـول ياعونـك
شكى جروحه ورحت أشكي له طعوني
يقول مقدر أعيش اليـوم مـن دونـك
وأقول حتى ولو ماعشت مـن دونـي
يمكن أنا اكون أعز إنسـان فـعيونـك
بس انت والله كـل النـاس فـعيونـي
لا صرت ربعي وداري فيّـة جفونـك
وش دخّل الناس خل النـاس يجفونـي
يكفيني إن انت لا من قلـت وشلونـك
تطيب كل الجـروح ويختلـف لونـي
وإن كان منتب مصدقني علـى هونـك
تعال وطالـع دروبـي ويـن ودونـي
أصبحت أجامل عداي اللـي يحبونـك
وأكره مشاهد عـداك اللـي يحبونـي
ومن كثر ما احب واكره عنك واصونك
أصبحت دفتر مشاعر وأنت مضمونـي
إن غبت عني شعـرت بلـذة طعونـك
وإن شفت زولك شعرت بقيمه عيونـي
الغربهأيـوالله أن شوفتـه تستاهـل عنـادي
اللي عشانـه تركـت الـدار والتربـه
مااقـول لـك شوفتـه نستّنـي بـلادي
لكنّـهـا يافـهـد نستّـنـي الغـربـه
وش عاد لو قلت عني ضايع وغـادي ؟
وش أبركه مـن ضيـاعٍ دلّنـي دربـه
تبغاني ارجع ! وأنا ياصعـب معـوادي
مـادام همّـي نسانـي وأنقلـع سربـه
الهم هاللي تشـوف انـه علـيّ بـادي
ياليتك تشوف كيف يصير فـي قربـه
الله يحـرم ... عيونـي لّـذة رقـادي
أنّي معه .. مااعرف حزني ولااشعربـه
هرجك فـوادي وأنا ياخوك فـي وادي
الله يخلّيـك ... حـالـي لاتعّـذربـه
راضي بحالي كذا ... واللي يجي عادي
لعيون منهو ركز فـي قلبـي الحربـه
بصوته , شقاوته , مزحه , طبعه الهادي
يملا عليّ الفضا .. من شرقـه لغربـه يكفيني أنـه غـدا هـو شربـي وزادي
أو تقدر تقول أنـا اللـي زاده وشربـه
ياخي أذا الحب عيب ! فـشفني آنـادي :
سجل ..... أنا من عرف عيبه وجاهربه
وسجّل هنـا كلمـةٍ تستاهـل عنـادي
بقولها قبـل أسافـر وأتـرك التربـه :
والله ماأقسى من الغربـه عـن بـلادي
الا .. شعوري وانا في بلادي بالغربـه
اللي تركنياللي تركني وأنا في عـز غربالـي
بعد الشدايد وش اللـي ذكـره فينـي
يبغى زمانه يعـود ويرجـع الغالـي
وش لون يرجع بعد ماطاح من عيني
لاالوقت وقته ولاله شي فـي بالـي
أنـا نسيتـه مثـل ماكـان ناسينـي
ياما تمنيت نظرة منـه فـي حالـي
يامـا تمنيـت صوتـه لوينادينـي
وأقول لااظلم علـي الليـل بلحالـي
الله يجيبـه يشتـت غربـة سنينـي
من كثر ماكان طيفـه دايـم قبالـي
احيان احسه معي وتضمـه ايدينـي
ولامن تنبهت ليـن وجيـه عذالـي
كلٍ على ماطـرى بالـه يسمينـي
ليته تركني بعـد هـذا علـى فالـي
زي ماتركتـه بعدقتلـه بساتيـنـي
من بعد ماصار جاب بلسانه الحالـي
يبغى يرجـع زمـان بينـه وبينـي
قولوا له اني مااحبه كثـر ترحالـي
او لا حرام يتضايـق والا يبكينـي
قولوا له اني احبه بـس مـن تالـي
ان راح والا رجـع ماعـاد يعنينـي
تهديدوالله وصرت تمون يا مايس القـدّ
من قلت : "احبك".. والحكي ما تردّه
لا..لا تغرّك طولة البـال والسـدّ
القلب شكلـه قـرّب اليـوم سـدّه
أنا عزيز النفـس لا جيـت للجـدّ
واللي تمادى يقضـب اليـوم حـدّه
صحيح صعبة ابني الحـب واهـدّ
لكن ترى لا ضقـت والله لا اهـدّه
مهوب انا اللي يرفع بوجهـك اليـدّ
وْلا عاش من يرفع على بنت يـدّه
لكن با اروح ولو غشى دمعك الخدّ
باقول : "وينه غايبٍ فيـه مـدّه"؟!
يوم الوصل من بيننـا حبـل ممّـدّ
ترخي وانا ارجي منك يـومٍ تشـدّه
بعد المذلّه جيتنـي اليـوم بتشـدّ؟!
خلاص انا فكّيـت حبـل المـودّه
ما دام به ناس عـن الديـن ترتـدّ
وش يضمن انه ما يجي منك ردّه؟!
بايعهاما كـل ضحكـه تهـزّ القلـب يشبعهـا
ومـا كـل دمعـه تمـرّ العيـن تبكيهـا
من شاف ضحكة زماني قـال : "بايعهـا"
ما يدري اني فقيـرٍ مـا اقـدر اشريهـا
يا اللـي نثرتـي سنيـنٍ كنـت اجمّعهـا
تكفيـن هـذي حصـاد العمـر لمّيـهـا
كـم كنـت اهـدّد بـك الدنيـا والوّعهـا
كـل مـا اذكرتني..واذكّرهـا وانسّيـهـا
بيدينـك اللـي احـس وكـن اصابعـهـا
تقول : "بدري علـى الضيقـه وطاريهـا"
بعيونـك اللـي اناديهـا وانــا معـهـا
اللّـه ياكـم زعلـتـي يــوم اناديـهـا
كنتـي تحسبينـي اسـرح عـن مدامعهـا
وانـا مـا غيـر اتهجّـى رحلتـي فيهـا
اي واللّه اذكـر عيونـك يـوم اطالعهـا
اقـرا بهـا انـشـودةٍ كـنّـا نغنيـهـا
كانـت تـروح وتهـجّ البـال واتبعـهـا
تاخـذ عيونـي مـن الحـزن وتودّيـهـا
لايـام كنـت ارمـي بدنيـاي واجدعهـا
أيام مـا .. كنـت اكحّلهـا.. ولا اعميهـا
طفـلٍ سلاحـه دموعـه يـوم يزرعهـا
من فـوق خـدّه وكـفّ ابـوه يرضيهـا
اكبـر همومـه مـن دروسٍ يراجعـهـا
واقصى طموحـه متـى ينجـح ويرميهـا
طفـلٍ وكـل امنياتـه كـان مطمعـهـا
يكبـر وتكبـر هنـوفٍ كـان يرجيـهـا
كبَرْت..و كبْرَت.. وضعت..وخفت اضيّعها
خلّيـت همّـي رضاهـا يـوم اداريـهـا
كل مـا طعنّـي زمانـي رحـت ادلّعهـا
يوم الزمن ما تـرك لـي غيـر اياديهـا
ما كنت افكّر تجـي فـي يـوم واسمعهـا
تقلـب حياتـي مـن اعلاهـا لواطيـهـا
حتـى اقبلـت تبكـي الدمعـه وتردعهـا
ثـم قالت..وكـن موتـي بيـن اشافيهـا:
"جيتـك أحلّـف عيونـك قبـل اودّعهـا
ما اشـوف دمعـة عتبهـا ليـن اخلّيهـا"
تبغـى تـروح وتخليـنـي واطاوعـهـا
تبغاني اسكت واقـول : "اللّـه يهْديهـا!!"
يـا أول احـلام روحٍ كــان دافعـهـا
انـك سندهـا وحاضرهـا وماضيـهـا
يا سنيني اللـي قضيـت العمـر اجمّعهـا
يـا ذكرياتـي مــن اولـهـا لتاليـهـا
لا تتركينـي اعيـش العـمـر بايعـهـا
ضحكة زماني بدونك مـا اقـدر اشريهـا
العيش والملحهذا انـت خنـت العيـش والملـح يامـن..
..تسب نـاسٍ خانـوا الملـح والعيـش..!!
كنت احسبك..وش احسبك؟!..كنت ضامن ..
..أنك تداري خاطري لـو علـى ويـش؟!
ماكنـت اظنـك قاسـي القلـب لامــن..
ضاقت علي وجيت لك.. قلت لي: ((ليش))؟!
وش ليش؟!.. انا مابي لـك ايّـة تضامـن
مابـي لـك الاضحكـةٍ كلـهـا طـيـش
مابـي لـك الا ضحكـةٍ لـو تـزامـن..
.. مع ضيقتي .. طارت همـوم وخفافيـش
ارقـد بهـا عـن غـدر الايـام ( وامـن)
واحيا بها.. مدري بهـا امـوت واعيـش !
واسـجّ فيهـا عـن هـوى كـل طـامـن
وأروي بهـا عـروقٍ.. عليهـا معاطيـش
بس انت .. خنت العيـش والملـح يامـن ..
.. تسـب نـاسٍ خانـوا الملـح والعيـش!!
كذبة كبيرةاتعبتنـي عيونـي قــدّ مـاهـي بصـيـره
واتعبتهـا يديـنـي قــدّ مـاهـي جـفـول
قلت : "خيره".. ولكن وينهـا و ويـن خيـره؟!
لا عيونـي تـكـفّ.. ولا يديـنـي تـنـول
هيه.. وين انت يا للي كان مـا فيـه غيـره؟!
يفهـم اللـي اقولـه قبـل حـتـى لا اقــول
رحـت ادوّر حبيـبٍ مثلـك ابغـى استشيـره
واثـر مـا كـل زولٍ ينتـعـوّض بـ(زول)
جيـت نـاسٍ تـزوّد حيـرة القلـب حـيـره
قلـت : "اطيـع الزمـان وكـل شـدّه تـزول"
قالوا : "العمر يكبـر".. قلـت : "كذبـه كبيـره
عمر الانسان يصغـر كـل مـا هـو يطـول"
قالوا : "الشعر بيت".. وقلت : "انا الشعر ديره..
..اعقـل اللـي سكنهـا فيـه طيـش مهبـول"
قالـوا : "اللـي فقيـر يحـب وحـده فقيـره"
قلت : "واللـي يحـبّ يحـب وحـده خجـول"
قالـوا : "و ذيـك هـيّ الأولـه والأخيـره ؟"
قلت : "ما ادري.. او ادري بس ما ابغى اقول"..!
ياصاحبيياصاحبـي بالله خـل التغـلـي
وقت التغلـي والدلـع ذاك ولـى
ماعاد معنا وقت تربـط واحلّـي
دامه عدو الحب بالصـوت علّـى
خذها صريحه .. حط نفسك محلي
ادمح لك الزلاّت قـدر وتغلّـى ؟
ولّي حيـاةٍ جابـت الـذل ولّـي
لابو حياةٍ صـرت فيهـا تسلـى
قولوله اني بنسحـب منـه كلّـي
خلوه يدري ( من تغلّـى يخلّـى)
القصايد والغلالعن ابو بعض القصايد كان مافيهـا حـلا
ما تـروح الا و تتـرك للحنايـا جلجلـه
تبتدي مثل المزون اللـي تسولـف للكـلا
و لا خذت قامت ترزّم مثل شهـبٌ منزلـه
فوق صدر الشاعر اللي عن طواريقه جـلا
لين شاف اخت القصايد بالقصايـد مقبلـه
يا هلا ب اخت القصايد كثر شوقي يا هلا
اقلطي بين الحنايا وافهقـي جمـر الولـه
كل ضلعٍ من ضلوعي حافظٍ درس الـولا
مثل حفظك للعفاف و للشرف يـا مذهلـه
سولفي كذا السوالـف تنسمـع و الا فـلا
وان بغيتيني اسولـف .. اسألينـي اسئلـه
اسأليني وابتديهـا .. بالنهـار اللـي تـلا
ليلة ان الجرح يقرا في الضلـوع البسملـه
واسأليني عن زماني كم شرب فـيّ وكـلا
انتهي من مشكله والقـى وراهـا مشكلـه
المشاكل بهذلتني فـي غيابـك ... والبـلا
ما لقيت اللي احط السـر عنـده وازهلـه
كل مااسمع (كيف حالك) ينقبض جفني على
دمعةٍ تبغى تقول الحـال دمـع و مهزلـه
وابلع العبره واقول : بخير والهـم انجـلا
و آخر الهرج آتلعثم فيـه وانقـض أولـه
ليه غبتي .. ليه غبتي وانتي اللي ما مـلا
عيني الا همس صوتك في زمـان البلبلـه
ياه شفتي وين راح البال بالشعر وسـلا ؟
قمت اعااتب فيك وانتي ف الضلوع مـدلله
لنّي ماصدّقـت نرجـع للقصايـد والغـلا
بعد ذاك اليوم يوم اجنبت وانتـي مشملـه
ايه ماصدّقت لكـن ياعسانـي مـا خـلا
قلطي بين الحنايـا وافهقـي جمـر الولـه
التوبهتطيح دمعه واسلـم للفضـا موقـي
وارفع يدين الذنوب وتظلم أعماقـي
اشوف قبري يمر بوحشتـه فوقـي
وتصير كل الحياة أضيق من أخلاقي
يانفس طالت ليالـي غيّنـا فوقـي
كم قلـت يالله وقلتـي تونـا باقـي
يالمزنه اللي تحـن لغيثهـا نوقـي
تعبت أخيلك وأقول نياقـي نياقـي
تعبت ياما تعبت و ضاعت حقوقـي
ياما ندمت وردمت الذنب فـأوراقي
ياما سكت وتركت البوح لعروقـي
أخاف أسولف وأخيب هقوة الهاقـي
أخاف ابوح ويخون الصمت منطوقي
وأقول شي يحـث النـاس لفراقـي
يالله وأنت الملاذ إن مسنـي عوقـي
وأنا ذنوبي جهد من راسـي لساقـي
يالله تغفر خطاي وترحـم وتوقـي
عظمي نهار الحساب وتقبل إعتاقـي
عشانكم ..
..
الأحد يوليو 06, 2008 7:18 am
